Stori long en

Oxford Global Languages program em wanem samting?

Oxford Global Languages (OGL) em i wanpela wok i kam long OUP bilong bungim ol wed na mining bilong ol long 100 tok ples long olgeta hap bilong graun na mekim ol man i ken lukim ol long Intenet. Em namba wan taim bilong wokim na bungim planti tru infomesen bilong ol wed bilong planti tok ples, na mekim ol man bilong spikim, lainim na divelopim ol dispela tok ples i ken lukim dispela infomesen long rot bilong wanpela link tasol. As tingting bilong dispela program em bilong putim ol tok ples bilong planti milion manmeri long olgeta hap bilong graun i go long Intenet, ol websait, ol aps, o ol narapela tul na sevis, na givim nupela ekspiriens long ol long dispela rot.

Wok bilong OGL em bilong:

  • Bungim ol tok ol man i wok long yusim nau na ol tok ples ol i toktok long en na wokim rekod long hau ol man i yusim ol long taim bilong yumi
  • Wokim bikpela data bilong ol kain kain tok ples em ol man i ken lukim long Intenet, long rot bilong link, na ol man i ken kisim na yusim, na long dispela rot, ol man long olgeta hap i ken lukim ol infomesen bilong ol tok ples
  • Mekim ol man i ken wokim ol nupela digital tul na risosis bilong kirapim ol man long yusim moa na sapotim ol tok ples long olgeta hap bilong graun
  • Long olgeta hap bilong graun, strongim pasin bilong tingim tok ples komiuniti we ol man i pilim tru olsem yu stap insait long en

YU KEN LUKIM WANEM TOK PLES?

Mak OGL i laik winim em long wokim data bilong 100 tok ples o moa na mipela i save olsem em bai kisim planti yia long mekim olsem. Pastaim, mipela i stat wokim data bilong tenpela tok ples bilong ol narapela narapela ples we long sampela hap, planti man i yusim Intenet na long ol narapela hap, i no tumas. Ol as tingting bilong OGL bai i kamap ples klia na stretim gut ol hevi mipela inap bungim taim mipela i wok long mekim dispela wok. Taim mipela i go yet long dispela wok, mipela bai i wokim data bilong sampela narapela tok ples moa, em ol tok ples we ol man long sampela hap i save toktok long ol na tu ol tok ples ol man i save lukim tasol long Intenet.

Oxford Global Languages i bin statim pastaim tupela tok ples olsem isiZulu na Northern Sotho, long yia 2015, na mipela i bin skruim 10-pela tok ples moa long dispela namba wan yia. Sampela tok ples moa bai i kam yet insait long sampela yia bihain.

Yu laik save moa?

Komiuniti i helpim wok

Mipela i wok gut wantaim lokol tok ples komiuniti bilong wokim dikseneri bilong ol tok ples long nau. Mipela i tingting stret long helpim ol yusa long pilim olsem ol tu i sapotim na strongim wok bilong wokim infomesen bilong tok ples bilong ol.

Nupela save na wei

OGL i bungim nupela wei na pasin digital bilong OUP wantaim global dikseneri program bilong mipela em i karamapim planti hap bilong graun.

Wok bilong truim

Wok we OUP, wanpela dipatmen bilong University of Oxford, i mas mekim em long givim ol man save na pasin bilong lainim samting mipela yet i kisim long rot bilong pablisim ol buk samting.

Harim: Long yia 2008, Oxford University Press Australia & New Zealand i bin wokim Oxford Papua New Guinea Tok Pisin English Dictionary olsem as bilong data bilong ol wed long dispela websait. Na mipela i pasim tok wantaim Oxford University Press Australia & New Zealand olsem dispela data i ken i go insait hia. © Oxford University Press Australia & New Zealand 2008.

Lukim wanem tok ples i bin kamap pinis, na painim tok ples bilong yu