Ligal Notis

Dispela ligal notis em bilong dispela websait long oxforddictionaries.com ("Websait") na ol sabdomein bilong en na makim hau yu mas yusim dispela Websait na ol sabdomein bilong en. Taim yu yusim dispela Websait, dispela i makim olsem yu wanbel long ol pasin em ol toktok i stap long dispela ligal notis i makim.

Yu ken lukim sampela hap bilong dispela Websait maski yu no wokim rejistresen o i no givim infomesen bilong yu long Oxford University Press ("OUP", "mipela").

Taim sampela infomesen long dispela Websait i no kamap olgeta yet, i no stret olgeta o sampela leta i kranki, OUP i holim rait bilong apdetim Websait long tingting bilong mipela yet. Olsem na, sampela taim, mipela i senisim sampela infomesen maski mipela i no toksave.

Mipela i holim rait bilong mekim sampela senis long dispela ligal notis. Taim mipela i senisim sampela toktok long dispela ligal notis, mipela bai i postim dispela senis long dispela webpes na, sapos i stret, mipela bai i toksave long yu long emeil. Mipela i ken senisim sampela toktok bilong dispela ligal notis wantaim ol ligal notis ol i makim klia o ol tem i stap long sampela webpes bilong dispela Websait.

Yusanem na Paswed

Sapos yu wokim pinis rejistresen long dispela Websait na kisim pinis yusanem na paswed, dispela i makim olsem yu wanbel long yu no bai givim dispela yusanem na/o paswed bilong yu long narapela man. Sapos narapela man i kisim save long yusanem na/o paswed bilong yu, yu wanbel long toksave long mipela kwiktaim long dispela samting na bai OUP i ken mekim samting bilong lukautim sekiuriti na givim yu nupela yusanem na paswed.

Yusim Websait konten

Mipela i larim yu long:

  1. Painim, lukim, kisim, na soim long yu yet Websait konten;
  2. seivim long ilektrik divais sampela Websait konten;
  3. na/o prinim wanpela kopi bilong sampela hap bilong Websait konten

Long wan wan samting mipela i toktok antap, yu mas bihainim ol lo i kamap long sampela webpes bilong dispela Websait. Yu no ken rausim o senisim ol toksave bilong kopirait o ol narapela wei bilong aidentifikesen o ol diskleima taim ol dispela samting i kamap long Websait; sapos ol lo o OUP i no givim tok orait, maski i gat wanem wanem as, yu no ken tingting stret long stretim wei bilong wokim planti kopi long pepa o ilektrik bilong sampela konten i gat tambu long mekim olsem; soim o salim sampela hap bilong dispela material i go long ilektrik netwak, olsem salim i go nabaut long Intenet na Wold Waid Web; larim ol man long aksesim o yusim hap i gat kain tambu olsem; na/o yusim olgeta o sampela hap bilong hap i gat tambu olsem, bilong wokim bisnis.

Sapos yu sainap long kisim ol niusleta o sabskraibim web fid bilong mipela, yu ken yusim tasol (i no bilong wokim bisnis) ol samting mipela i salim long yu. Yu no ken:

  1. rausim o senisim ol kopirait notis o ol narapela wei bilong aidentifikesen o ol diskleima taim ol dispela samting i kamap long material mipela i salim long yu;
  2. tingting stret long stretim wei bilong wokim planti kopi long pepa o long ilektrik bilong sampela hap bilong material sapos ol lo na OUP i no tok orait long mekim olsem, maski i gat wanem wanem as;
  3. soim o salim sampela hap bilong material i go long ilektrik netwak, olsem long salim nabaut i go long Intenet na Wold Waid Web;
  4. larim ol man long aksesim o yusim material; na/o
  5. yusim olgeta o sampela hap bilong material, bilong wokim bisnis.

Intelektual Propeti Raits

Mipela na/o ol laisensa bilong mipela i papa bilong olgeta intelektual propeti raits long Websait, na ol lo bilong intelektual propeti long olgeta hap bilong graun olsem ol lo bilong kopiraits na tred mak i protektim Websait na ol material long Websait. Yu mas bihainim ol tem bilong dispela ligal notis na ol narapela laisens agrimen namel long yu na OUP. Sapos, pastaim, yu no pasim tok wantaim mipela long pepa, yu no ken kopim, senisim, pablisim, brodkestim o givim nabaut ol material. Mipela bai i holim olgeta dispela raits. Oxford University Press, OUP, Oxford na/o ol narapela nem bilong ol prodak o sevis em Oxford University Press i save givim na dispela Website i toktok long ol em ol i ol tredmak o rejisted tredmak bilong Oxford University Press.

Maski mipela i toktok antap olsem na sapos i stret, (ol) raits holda, em (ol) nem bilong em (ol) i kamap long "Picture Details" windo long dispela piksa, i (ol) papa bilong kopirait bilong wan wan piksa i kamap long dispela Websait. Mipela i holim olgeta raits. I no gat wanpela piksa i stap long dispela Websait yu ken kopim, senisim, pablisim o brodkestim o salim nabaut.

Links

OUP i givim ol link i go long ol narapela websait long gutpela pasin na tingting na bilong givim infomesen tasol. OUP i diskleimim ol responsibiliti long ol material i stap long ol websait em ol link bilong ol i stap long dispela Websait.

Na tu, maski OUP i putim link i go long ol narapela websait, dispela i no makim olsem OUP i akseptim responsibiliti long konten bilong kain websait olsem o long hau yu yusim em o ol prodak na/o sevis ol dispela websait i stori long ol. Em wok bilong yu yet long was gut na yusim ol samting i no gat ol vairus, woms, rojans na ol kain samting olsem inap bagarapim samting bilong yu.

Sevis Akses

Mipela i save wok strong na bai yu ken akses long dispela Websait inap 24 aua long de, tasol mipela i no gat asua long sait bilong ol lo sapos yu no inap akses long dispela Websait long sampela taim o inap sampela hap taim.

Sampela taim, yu no kisim toksave na i no inap akses long dispela Websait bikos long sistem i no wok, mentenans o wok bilong stretim samting, o bikos ol narapela samting i kamap em mipela i no save em bai i kamap.

Komplein long Kopirait infrinjimen

OUP i rispektim, na kisim strongpela tingting bilong protektim intelektual propeti raits. Sapos yu bilip olsem sampela konten bilong dispela Websait i makim mipela i infrinjim kopirait bilong yu na yu laik mipela i mas rausim dispela samting, plis salim toksave long rot bilong emeil o post. Emeil/ post i mas i gat:

(i) signesa yu yet i raitim o ilektrik signesa bilong papa bilong kopirait o bilong mausman bilong papa bilong kopirait.

(ii) Aidentifikesen bilong wok i gat kopirait em yu ting olsem samting bilong dispela Websait i infrinjim.

(iii) Aidentifikesen bilong material em yu ting i infrinjim (o em kamap olsem samting bilong wok bilong infrinjimen) em inap mekim OUP long luksave long dispela material na save long dispela material i stap we.

(iv) Adres bilong yu, fon namba bilong yu, na, sapos yu gat, emeil adres bilong yu em mipela i ken kontektim yu long en.

(v) Toktok bilong yu olsem yu bilip tru olsem papa bilong kopirait, ejent bilong em, o ol lo i no tok orait long wei bilong yusim dispela material, em yu komplein long en.

(vi) Toktok bilong yu olsem infomesen i stret na yu save ol bai panisim yu sapos yu giaman, na yu gat namba bilong mekim samting bilong helpim papa bilong kopirait em, yu ting, samting i infrinjim.

Plis salim dispela toksave i go long DMCA ejent mipela i makim:

Long emeil: dmca@oup.com

Long pas: Legal Department

Oxford University Press

Great Clarendon Street

Oxford

OX2 6DP

United Kingdom

Konten yusa i wokim

Sampela hap bilong Website bilong mipela i larim ol yusa long aplodim konten bilong ol yet. I no olgeta taim, konten ol yusa i aplodim i makim ol tingting bilong OUP. Taim yu aplodim konten long Websait bilong mipela, dispela i makim olsem yu wanbel pinis long bihainim ol Gaidlain bilong mipela. Yu mas tok stret olsem ol dispela kain konten i mas stret wantaim ol dispela Gaidlain na yu mas i gat olgeta raits yu nidim long ol dispela material na ol dispela material i no bai infrinjim ol raits bilong ol man o sampela lain, na tu ol dispela material i no ken i gat samting bilong bagarapim ol masin (olsem kompiuta vairus, lojik bom, Trojan hos, woms, komponen bilong bagarapim samting, data i bagarap o ol narapela softwea bilong bagarapim samting o data bilong bagarapim samting).

OUP i holim i stap rait bilong, long tingting bilong mipela yet, reviuim, editim, o delitim konten em ol yusa i bin postim we OUP i lukim olsem dispela konten i no bihainim ol Gaidlain (link) na/o i gat samting bilong bagarapim gutnem bilong narapela, brukim ol lo, pretim ol man, tok pilai i doti o ol samting ol man bai i gat tok long en. Maski mipela i stori antap olsem, mipela i tok klia olsem OUP i diskleim ol responsibiliti o asua long sait bilong ol lo long ol konten yu o ol narapela yusa bilong dispela Websait i aplodim. Mipela i gat ol raits bilong kamapim aidentiti bilong yu long ol lain bilong putim ol lo o sampela lain husat i tok olsem ol konten yu postim long Websait bilong mipela i bagarapim ol raits bilong intelektual propeti o bilong praivasi bilong ol.

Rait bilong OUP long yusim konten yusa i wokim

Mipela bai i ting olsem konten yu aplodim long Websait bilong mipela i no gat ol samting ol narapela i no ken lukim. Bikos OUP i larim yu long yusim dispela Websait long pasin i stret wantaim dispela Ligal Notis (lukim Hau yu yusim Websait konten antap), yu tok orait pinis long OUP long holim laisens (em kain laisens olsem inap oltaim, long olgeta hap, em i no inap senis, i no gat pe, mipela inap givim long narapela, ol narapela i ken holim) bilong yusim, editim, skelim, pablisim, soim, komiuniketim pablik na mekim wok long kain konten olsem (o sampela hap bilong en) long olgeta tok ples, long ol pasin mipela i laikim, maski em i gat nau o nogat (na long sab-laisens olgeta kain raits olsem). Yu weivim ol moral raits long ol konten yu aplodim long Websait bilong mipela (em i makim dispela rait (i no dispela rait tasol) olsem ol narapela i lukim yu olsem man bilong wokim dispela konten). Mipela i ken putim nem bilong yu husat i wokim konten, tasol yu wanbel pinis olsem i no olsem mipela i mas mekim olsem.

Moderesen

Mipela i holim rait bilong lukluk long olgeta posting i kam long dispela Websait, nogut sampela samting i no stet wantaim dispela ligal notis na/o ol Gaidlain. Olsem na sampela post bai i go long moderesen pastaim long pablisim. Em as na dispela kain post bai i kamap long Websait inap sampela hap taim bihain.

Saspensen na Teminesen

Mipela bai i wokim tingting, long tingting bilong mipela yet, olsem sampela samting yu mekim i brukim ol tok bilong dispela ligal notis o ol Gaidlain [link], o nogat, taim yu yusim dispela Websait. Taim pasin bilong brukim ol tok bilong ligal notis o ol Gaidlain i kamap, mipela bai i mekim samting bilong stretim dispela hevi long pasin mipela i ting i stret, olsem blokim (i no dispela pasin tasol) ol kain yusa husat i no bihainim ol tok bilong dispela ligal notis o ol Gaidlain, na rausim olgeta post na kontribusen ol i bin mekim.

Sapos yu no bihainim ol tok bilong dispela ligal notis na/o ol Gaidlain, dispela inap mekim na wantu mipela i tambuim yu long aksesim dispela Websait na/o pinisim rait bilong yu long yusim dispela Websait inap sampela hap taim o olgeta taim bihain.

Website i Kamap long Olgeta hap bilong Graun

Yu luksave olsem dispela Websait i kamap long olgeta hap bilong graun. Olsem na yu wanbel long bihainim olgeta lo long hap bilong yu taim yu yusim dispela Websait.

Sampela taim, infomesen mipela i pablisim long dispela Websait i gat ol riferens o kros-riferens long sevis na/o prodak bilong mipela em mipela i no toksave long en o ol man i no inap yusim long kantri bilong yu. Dispela kain riferens i no makim olsem mipela i gat tingting long toksave long ol dispela sevis na/o prodak long kantri bilong yu.

Tok Ples

Mipela i wokim dispela ligal notis long Tok Inglis pastaim. Sapos ol i tanim ol tok bilong dispela ligal notis i go long ol narapela tok ples, ol mining bilong Tok Inglis i mas sanap pastaim.

Ol lo dispela ligal notis i bihainim

Yu wanbel pinis olsem dispela ligal notis i bihainim tasol ol lo na ol kot bilong England na Wales. Maski mipela i tok olsem antap, i no gat wanpela samting bai i pasim OUP long bringim i go long kot pasin bilong infrinjim ol raits bilong intelektual propeti.

Sampela toktok long proprieteri stetas

Sampela taim, Oxforddictionaries.com na ol sabdomein bilong en i gat sampela wed we sampela lain i tok ol i gat proprieteri stetas long en olsem tred mak samting. Dispela i no makim olsem ol i kisim pinis sampela stetas em i non-proprieteri o stetas bilong olgeta samting o sampela tingting long ligal stetas bilong ol. Sapos lain bilong Oxforddictionaries.com i kisim save olsem wanpela wed i gat proprieteri stetas, ol bai i toksave long dispela samting long hap ol i putim dispela wed long en, tasol ol bai i no putim o givim liklik tingting long ligal stetas bilong dispela kain wed.

I no olgeta taim, ol tingting na ol narapela infomesen i stap long Oxford Dictionaries blog post na ol komen i makim ol tingting o ol pasin bilong Oxford University Press.